The Americano By Texas Burger (已結業)

荔枝角工厦上面隐藏咗好多高质嘅餐厅💁🏻‍♀️今次呢间餐厅主打美式汉堡，仲有意粉、意大利饭、全日早餐、甚至有素食供应，选择都几多😆 由于餐厅系工厦上面，餐厅环境好阔落，坐得好舒服，而且坐几耐都唔会比人赶走❗️🍔德州烧烤牛肉汉堡餐厅嘅主打菜色～非常推荐❗️汉堡大概7成熟左右，牛肉有浓郁嘅肉味同烧烤味，肉汁劲juicy😋 里面仲有烟肉、洋葱圈、生菜、芝士，烟肉为汉堡加上香脆口感，半溶芝士超邪恶，而新鲜嘅生菜则减低咗油腻感。个汉堡连个包都好好食😆😆面包keep到湿润度但又唔会太干/太湿，面包内层仲涂咗一个类似洋葱酱(?)，甜甜地好正啊😋😋 整体成个配搭都好有心思，有多重口感同味觉享受🍗香艾菊蜜糖烧焗法国春鸡成只鸡送到埋嚟，劲大只🤩🤩烤鸡非常嫩滑，啖啖都系肉，配埋香艾菊蜜糖酱，又系另一番风味😍😍🍟小食拼盘有炸鸡、洋葱圈、咖哩角，炸鸡炸得好香脆，里面仲系好juicy😋洋葱圈同咖哩角都炸得好脆口，唔错～🥣蘑菇汤略嫌水咗少少🤏