三姐廚房私房菜 (已結業)

放工同一大班同事系附近工厦三姐私房厨房晚饭,工厦最好既地方就系地方大,坐得舒服同可以慢慢坐慢慢倾!菜单两日前我都就要confirm,资料都可以网上睇到,今次我地book13位既"欢畅聚首特选海鲜味宴"! 前菜有川味手拍青瓜,青瓜爽翠配上汁料,食完好开胃! 必馔凉伴鲍鱼菇,lee款出面酒楼真系未食过,好创新好特别,同埋都几好食既! 有机沙律菜,食中式餐但竟然有西式沙律虽然有点怪,但因为蔬菜都系lee度有机水耕,所以食落好新鲜好食! 因为我地乜都想试,所以炖汤叫左两款,一款金桃螺头赤肉汤,一款哈蜜瓜螺头黑毛豚肉汤,饮得出好足料,味道好清甜滋润,同好够火喉,有d同事都食埋汤渣添! 到左主菜嬉水芺容,蛋蒸得好滑,加埋虾球酱汁,就更加好味!生猛星斑两味,一味黑松露炒斑球,一阵阵好香既黑松露味,但炒得有少少油,另一味焖头腩用埋新鲜淮山一齐焖都几特别,总括两味都好入味,斑块厚薄适中同鱼都滑既! 秘制香辣炒私房大蟹,蟹又大只又鲜味,加埋秘制香辣酱汁,少少辣,酱汁好味到可以配埋多士一齐食添! 野菌温室小南瓜,南瓜好甜煮得好淋加埋野菌好岩配饭一齐食! 话梅王鸡食落味酸酸甜甜,鸡肉又食唔到雪藏味,反而觉得煮