海潮食堂

营业中

休息中

今日黎观塘区开会，知道呢头工厂区有好多茶记，平时冇乜机会食，今日就趁呢个机会试一试。呢间餐厅餐牌好多选择，简直系多到花多眼乱，选择困难症既朋友真系有D难搞。听闻呢度既葱花蛋治好出名，就拣你啦！蛋治系香港茶餐厅特色食物，但要做到好食唔系容易。呢一份炒蛋生熟程度刚刚好，滑得黎带有葱香；面包外层烘香，外脆内软，配合内里的滑蛋加上牛油，口感丰富，呢份多士真系唔简单！Lunch食一份蛋治真系唔够饱，黎多样特别既野—蒜蓉水饺。水饺皮有弹性，馅系韭菜，韭菜味道浓郁。配合蒜蓉食水饺真系比较少见，估唔到咁既组合又唔错，喜欢蒜蓉味既朋友值得一试呢间茶记质素唔错，有机会都想再试一试其他野。