回味館 (已結業)

人都系好自私嘅好惊呢度介绍左之后会越来越多人黎呢度食。本身OpenRice好少人知道呢间隐世美食但附近啲街坊或者附近返工嘅人一定知道呢间回味馆。中午时间一定坐到满晒，有时要等位。我第一次过嚟食都系因为见到佢长期都咁多人所以先谂住试吓，点知一试就爱上了嘢食系超级好嘅但环境就一般啦唔算坐得好舒服，会有啲逼，同埋预咗要搭枱除非你四个人去食啦。佢一般lunch会有五至六个套餐俾你拣，40蚊左右。有埋杯饮品或者冇味精嘅汤，碗汤真系超正超级浓味。最多人拣就系一个蒸鱼套餐，佢果碟鱼系成条咁上嘅，唔系净系一旧鱼肉。另外啲小炒都系好够火候，好有镬气。而我最钟意食嘅就系佢嘅胡椒猪肚鸡汤泡饭。个汤又系好浓味，胡椒味十足，料超级多，加埋足料咸酸菜同埋少少杞子吊出个味道，可以话系抵食夹大件。我就算食唔晒啲饭都一定要饮晒个汤。