影片
更多
2020-10-04
748 浏览
大隐隐于市, 我敢写包单你行过顺记外面十次廿次都未必会有一次勾起你嘅兴趣, 装修简单, 略暗灯光, 陈列嘅食品亦唔够吸晴, 但当你放胆坐低一试, 就会发觉食嘢真系唔系食装修嘅!帮衬当日刚过中秋, 老板推介金不换炒薄壳, 有朋友响屋企煮过薄壳就知, 食材唔贵, 但功夫多过乜, 剩系要你洗都足以令你嗌哂救命, 人同此心, 所以想出街食都唔多地方有得卖, 听到老板有做呢味, 唔驶谂即嗌, 薄壳本身肉唔系大, 但胜在粒粒够哂滑, 加埋金不换香味, 我敢讲唔差过咩贵价海鲜! 前面一碟脆炸凤尾鱼, 由头到尾炸到脆咯咯, 送酒一流!老板见我地食凤尾鱼食得津津有味, 又推荐我地试一碟梅子煮荀仔鱼, 哗, 呢d 平价鱼仔唔系俾狗仔食咩, 但同鼓起勇气行入呢间铺一样, 你放胆嗌一碟试试, 梅子嘅香味同荀仔鱼嘅质感夹得恰到好处, 我相信呢味嘢响我阿爷年代应该系家常便饭, 又平又有营养! 秋天芋头当造, 一于试下炸芋枣, 芋头够香无渣, 入口即溶, 又系佳品!值得一赞系疫情期间, 枱与枱跟足间距, 无好似好多铺头咁搏大雾是晚仲叫左个十月芥菜煲同埋生炒糯米饭, 埋单六个𩠌加四支大啤, 盛惠七百, 平民食材但配上
帮衬当日刚过中秋, 老板推介金不换炒薄壳, 有朋友响屋企煮过薄壳就知, 食材唔贵, 但功夫多过乜, 剩系要你洗都足以令你嗌哂救命, 人同此心, 所以想出街食都唔多地方有得卖, 听到老板有做呢味, 唔驶谂即嗌, 薄壳本身肉唔系大, 但胜在粒粒够哂滑, 加埋金不换香味, 我敢讲唔差过咩贵价海鲜! 前面一碟脆炸凤尾鱼, 由头到尾炸到脆咯咯, 送酒一流!
老板见我地食凤尾鱼食得津津有味, 又推荐我地试一碟梅子煮荀仔鱼, 哗, 呢d 平价鱼仔唔系俾狗仔食咩, 但同鼓起勇气行入呢间铺一样, 你放胆嗌一碟试试, 梅子嘅香味同荀仔鱼嘅质感夹得恰到好处, 我相信呢味嘢响我阿爷年代应该系家常便饭, 又平又有营养!
秋天芋头当造, 一于试下炸芋枣, 芋头够香无渣, 入口即溶, 又系佳品!
值得一赞系疫情期间, 枱与枱跟足间距, 无好似好多铺头咁搏大雾
是晚仲叫左个十月芥菜煲同埋生炒糯米饭, 埋单六个𩠌加四支大啤, 盛惠七百, 平民食材但配上师父功夫同心机, 绝对值得支持!
张贴
