豐碩 (已結業)

呢排天气变到咁冻，最岩就系打边炉架啦。同朋友系豪华戏院睇完戏，系附近行到肚饿见到呢间丰硕有仼食边炉就上去试下。佢8点半就已经有宵夜优惠$128一位，8点半去食真系非常抵，不过可惜我地8点就到已经好肚饿无等到8点半就食了。我地叫左沙嗲汤底，几香几浓，系一个唔错既选择。呢度一般打边炉既配料都有。特别要提呢度啲象拔蚌好大块又新鲜，比起市面仼食个啲高质素，食落都几爽口。之后不得不提既系升级优惠入面既安格斯肥牛，有少少入口即溶既感觉，滚到五成熟系最正，唔会鞋飒飒，好滑嫩，值得嗌黎食。呢度既午餐肉好特别，系煎过黎，渌一渌就食得。另外仲叫左芝士肠、厨师肠、猪皮、长脚蟹柳(长条形)、炸鱼皮、鱿鱼须等等，全部都正正常常，几好食。仲叫左个小食椒盐鱿鱼须试下，个人觉得好似炸得over左少少，如果可以脆d就更好。顺带一提个度饮品任饮，主要有啤酒汽水柠檬茶，免费任饮既好似系得罐装既饮品。