Cafe Gabbana

营业中

休息中

今晚入左九龙城试吓一间意大利餐厅，圆拱大门好有特色，一入门口就见到华丽既吊灯，店内装潢主要用上奶黄色格调，墙上挂有抽家派画作，充满住艺术气息。我地点左2份 SET DINNER，是日餐汤拣左蘑菇汤同埋洋葱汤，蘑菇汤香浓得黎又唔会太重口味，洋葱汤非常清甜，仲有好多洋葱片。蒜蓉包外脆内软，蒜蓉味道够。蟹肉蘑菇布甸沙律/软壳蟹沙律沙律菜用上羽衣甘蓝，搭配黑醋同埋柚子醋，酸甜适中，蟹肉磨菇布甸蟹肉份量好多，每啖都食到鲜嫩既蟹肉，软壳蟹炸得外脆内软，配上沙律，清爽得黎又不失饱足感。煎猪鞍配苹果芥末 猪鞍煎得刚刚好，外皮煎得微焦，内里却保持了猪肉的嫩滑，搭配苹果芥末非常清新，口感层次感丰富。烧美国封门柳扒美国封门柳扒要左medium 熟成度，牛肉味极为浓都，肉质软腍，配菜用左蕃薯条，入口甜甜地。