煮打菜打冷小菜館 (已結業)

去到筲箕湾食野，熟呢头既都知，呢度餐厅唔多，选择偏少，行到内街，见到呢间打冷舖，就入左去试试。环境方面冷气绝对充足！呢点系好多打冷/大排档做得差既地方，但点好重要餐具座位枱面，睇落都算干净企理，而且多卡位，位置够晒阔。食物方面卤水拼盘，唔错，够晒入味，而且有大肠，正。蚝仔饼，炸得金黄色，睇得出唔系用万年油炸出黎既，味道岩岩好（好多餐厅都会整到太咸）茄子烧肉煲，食落几惹味，不过略嫌油份出左d，但味道都算okay，如果减肥既女士就建议剩系食茄子够油香，送酒一流。椒盐猪仔骨，炸得岩岩好，好脆，送上碟仲系好热，岩岩炸起，无回油，而且外面有辣粉，够晒香口惹味。总体黎讲，食物质素属于中上，价钱相宜，师傅调味合到好处，但可以店位略嫌远，不过都值得去试下。