豚燻 (已結業)

本来想去一兰食拉面，但系去到要排队再加埋落雨，真系唔想排。但系又好想食拉面，所以决定系附近睇下有冇其他，朋友就继续排队行左几步，睇落好似几有特色，又唔冼排队所以就入左去。呢碗系味噌汤面。汤底比较浓味同重味d，有好重味噌味，我自己钟意食味噌味多d。面方面我选择既系幼面，面嘅质地爽滑弹牙，加埋牛蒡丝好爽口。豚肉方面真系同我哋平时食拉面嘅猪肉好唔同，真系有种烟熏味，肉质系偏瘦，同平时食既比较有咬口同肉香。呢碗系豚骨汤面，汤底都系偏浓味d，系重既猪肉汤底，我觉得淡味d会好d，面方面都系选择幼面。小食方面：烧牛舌。一送到上嚟，我闻到好香嘅蒜片味。牛舌爽口有咬口，肉质好juicy多汁, 加埋蒜片，好香口。另外，我好钟意牛舌切到咁细粒，一啖一粒，仲有d黑椒味，好惹味小食：饺子。煎得好香，饺子外脆内软，入面有好香猪肉味，肉质鲜甜，点埋酱汁，味道酸酸甜甜，更加开胃