鳳城小食

营业中

休息中

香港国际美食多，日本正宗发办寿司、美国Juicy100%安格斯牛肉汉堡、泰国船粉，连越南牛河都帮大家分南北越版本，都咪话唔出色。但你问我边样野食食极都唔厌，我肯定一定系茶餐厅。同志明讲的道理差唔多，「是真的油了点，是不太特别的，喜欢就是喜欢。」茶记款式其实来去都是几味，但好食既你就会Keep著食，呢间湾仔Up Dum铺就系我其中一间Keep著都想食的老茶记。一行二人朝早早餐，叫了一份单蛋腿奄列、奶酱多、冻热奶茶各一。唔系讲笑，单蛋的奄列都咁大份，真心正！一份正的港式奄列系蛋皮有焦香味道而里面仍然保持嫰滑的口感，呢份就系咁啦！到份奶酱多，咪睇佢薄薄一片野咁，真心薄、脆但满满的酱料，啖啖邪恶又滋味！绝对唔系坊间厚但削的面包，酱又俾得唔够慷慨。食的野真是好简单，哪间餐厅没这些，但味道有多少及得上这。还有一样我爱佢的原因，就是它够颓，够残，求其一两张折枱折椅，哪有色彩鲜艳的装潢，就才是我心中真正的茶记。