松 (已結業)

又来到一个月一次嘅厨师既发板推介，呢间隐秘嘅寿司舖头，藏住高级、新鲜嘅味道质素。👍🏻厨师发办前菜三味（第一道）🤍水云由鱿鱼同质地好似蒟蒻面制成既前菜，味道清甜，爽口。🤍鱼肝装满左一小个兜，鱼肝入口即溶，带有好香嘅余蕴，加配左红酒去调味，为鱼肝提鲜。🤍日本豆腐配海胆豆腐实际系豆皮，入口好滑，配上新鲜嘅蕃茄酱，酸酸甜甜份外开胃。第二道🤍日本室津蚝蚝肉胀卜卜，入口带有好浓烈嘅矿物味，海水味都好出。第三道🤍北海道牡丹虾配𫚕鱼腩相机绝对要食先嘅一道菜！因为厨师放入咗烟熏啊！北海道嘅牡丹虾冇一般嘅咁爽口，但系𠮶种黏口感却非常出色，入口鲜甜，肉质肥美。𫚕鱼腩厚厚一件，微微火炙过逼出油份，油香尽情发挥，食落无咩腥味。🤍麻辣白子用脆米包住既白子，闻落好香，食落惊为天人！白子口感软滑，干净，小小嘅麻辣味并无抢去应有嘅鲜味。🤍寿司七贯（池鱼、深海池、金鳝鲷、真鲷、赤鯥、大拖罗、中拖罗）刺身全部喺室温摊咗一阵。深海池鱼比池鱼来得爽口一点；金鳝鲷既鱼肉柔软，但同时胶质较重，有点咬口；真鲷食落爽口，厚实一点既感觉，配上小小昆布丝食落带点咸香；赤鯥属比较少见嘅刺身，鱼味较浓、油份较重同时亦较淋身。大拖罗配紫苏叶系推