武士拉麵 (已結業)

香港地有好多好食既拉面店，钟情于浓汤底既我一定会食混香港地高质既拉面店，而今日就黎到柯士甸路既武士拉面揾食，做好安心出行同埋量体温就入座了。咁我就叫左个黑蒜油猪骨汤底，一上枱已经闻到好重既黑蒜味，再黎就梗系试咗个汤底先啦，汤底既黑蒜味真系好浓但亦饮到猪骨熬出黎既味道，虽然叫做黑蒜油但系油份唔重，就咁空口饮都唔会感觉到油腻。面条方面佢地会set timer去控制面条既软硬度，大家可以跟据自己既喜好去选择面条既粗幼度同埋软硬度，我钟意有咬口所以拣左硬，同埋面条落碗前店员会先摇干面条多余既水份防止沟淡汤底，面条分明唔会痴埋一旧而且每条面条都吸收到汤底既精华，赞！除左汤底面条正之外，其他配料同样唔错，佢地会用火枪烧香叉烧，咁就可以将多余既油脂烧出而且将肉汁锁死，一食既时候外层口感会有些少焦香既口感，肉质爽口而且内里肉汁juicy！利申原本系得两块叉烧，我地系另外加钱先至有多一块haha。至于我朋友就叫左个四国香葱油汤底，一上枱我梗系即刻试埋佢个汤底，呢个猪骨味会更加特出，而最谂唔到既系加咗香葱既汤底竟然都好相衬，香葱令浓浓既汤底带番点清新既感觉，个种浓而不腻既感觉好正，钟意食葱既朋友仔必试呢个