月半堂

营业中

休息中

屋企楼下有间隐世小店，系屋村群组流传。位置就系姜涛拍《作品的说话》个商场对面。正面望唔到，被啲树遮住咗。个正门系旁边㗎。入到去会见到好多铁甲万能侠Bearbrick，似日式食堂feel。餐牌以定食丼饭为主。吉列三元黑豚拼广岛蚝定食全店最贵，店长推荐。吉列猪扒非常软身，一啲渣都冇。广岛蚝都揸得好Juice，上枱热辣辣里面仲好creamy。叫饮品就可以转成套餐，有前菜同埋面豉汤，汤入边仲有只蚬添。屋企人就叫咗盐烧鲭鱼定食。个份量居然系半条鱼柳咁长，平时出街食我谂得一半到。佢哋烧鱼技巧都烧到啱啱好，一啲都唔柴。另外加咗两只鸡软骨饺子同埋一客日本小番薯，饺子炸都脆晒，里面有食到鸡软骨嘅爽脆，小番薯煮得啱啱好啊，留返做甜品一流。