TORIO喫茶部 (已結業)

餐厅座落观塘工厦一个隐蔽嘅角落，如果未去过嘅人要预返少少时间去揾。晚市套餐选择都算多，日式咖喱饭、意粉同扒类都有，加$28就可以任拣一杯嘢饮。前菜方面，今次我饮到嘅系薯仔汤，用料充足，食得出唔系开罐头汤。日式咖喱饭微甜，配上鸡肉或者牛肉，富有日式味道。另外咸蛋黄汁带子意粉亦不俗，带子煎得几香，酱汁唔会太漏；不过食到底口感有啲寡，如果加上更加多配料或者咸蛋黄碎可以令口感更加丰富。鲜果pancake口感松软，价钱亦都相宜，作为饭后甜品啱啱好。