肥後屋

营业中

休息中

听过肥后屋名字已经一段时间，特别闻说佢做午餐饭盒时候有一款叫做堕落名物午餐肉牛油葱饭，喜好午餐肉的我今日难得过大坑，做完嘢之后，打算一个人简简单单去食一餐。心谂呢度咁吊脚唔方多人啦。入到德信街，我揾咗一段时间先至揾到，餐厅入口响一座非常唔起眼嘅商厦嘅入边，关门之后亦都见唔到任何招牌。心谂咁都做得住，一定系好嘢。入去之后发现竟然full House ！咁我唯有买外卖啦。乜都唔理叫一个牛油葱饭先，店员建议我配上一个堕落名物午餐肉，我另外都再叫咗金菇牛肉卷同酸姜猪肉卷。等待时间比较长，要30分钟，所以我都先出去行一阵街再返嚟攞嘢返屋企食。店员都好贴心咁差唔多到30分钟就打俾我提我返去攞嘢食。个午餐肉真系好林好松软，金菇牛肉卷好靓但相对比较普通。我就份外欣赏酸姜猪肉卷，酸酸甜甜夹埋猪肉同黑椒，口感层次好丰富。讲返个牛油葱饭真系邪恶无比，好彩今晚冇约会，如果唔系实在不能进行法式湿吻。