黃廚味道

营业中

休息中

今次用餐感受只能用惊喜嚟形容。 是日入屯门，喺盈丰园商场揾到黄厨味道。餐厅面积骨子，光线柔和充足，环境、台凳、餐具都非常干净企理，半开放式厨房亦井井有条，用餐区零油烟味、冇嘈杂声。一入门口老板娘已好亲切招呼入坐、介绍菜式。叫左两个招牌主菜：去骨鸡配姜葱配捞面、咖哩牛肋配饭；小食清汤萝白、蒜香鸡翼尖、油菜心配猪手汁。主菜我地拣左饮汤(另可拣自家制饮品)，系店家煲嘅花生眉头汤，落足靓料冇味精，大大碗，好好饮。清汤萝白冇渣兼入味，汤清甜唔咸可以空口饮；油菜心拣左配猪手汁，猪手汁好特别，唔系一般好抢嘅花椒八角味，而系淡淡嘅药材香味，倾偈得知系老板亲自倒熬制嘅recipe，唔系街买现成嘅调味包。蒜白鸡翼尖相当惹味，辣劲十足！叫左杯冻柠檬蜂蜜薏米水(店家是日自家制饮品)解一解，清新微甜好解渴，薏米煲得够林有赵口。冇谂过廿零蚊一份嘅小食竟然咁有水准！去骨鸡好嫩滑入味、肥瘦适中，捞面系粗面底好爽口烟un，配姜葱汁好夹，下次会试沙姜汁。咖喱牛肋亦好出彩，咖喱汁系老板秘制，咖喱味香浓有层次又唔滞，牛肋鲜嫩同薯仔都好入味，捞饭一流。每个主菜送汤或饮品，如此质素，都只系50蚊有找。一定会再帮衬。