Food Oriental (已結業)

系湾仔，成日食lunch都排长龙，真系好难揾位。记得同事话呢间小店唔错，就谂住试下佢。铺头真系唔大，堂食只有大概8个位，但买外卖嘅人就好多，果然系有D人气。Menu 选择有好多，第一次先试试佢最出名嘅无骨海南鸡髀饭（$49）仲附送埋椰子鸡汤。海南鸡饭真系好有惊喜，佢嘅鸡滑之余够入味，不得不提嘅系佢嘅饭，同平时嘅油饭唔同，佢入味之余一D都油腻，仲要好入味，平时食好少饭嘅我都不经不觉食哂成个。仲有嘅系佢嘅配酱都好好味，尤其系姜蓉，佢会加左秘制豉油，配合得好好。佢仲配埋一个红色嘅酱，同平时唔同，佢有少少红椒同蕃茄嘅味，又配得几好㖞。不得不提系佢嘅椰子鸡汤，虽然系跟海南鸡饭送嘅，但真系落足料，好好饮。呢间真系性价比高嘅小店，下次要试埋佢其他东南亚菜。