Na Thai

营业中

休息中

最钟意喺唔同嘅地方寻找正宗泰国嘢，因为香港嘅泰国食品，真系可以令你好惊奇。今日好好彩，可以喺跑马地试到依一间泰国嘢，入边环境好清幽，店员亦都有十分有礼貌，店内播休闲的音乐，令人好像去咗泰国一样，咁relax 。打开餐牌，价钱亦都10分亲民，唔太贵。叫咗烧牛肉沙律，同埋小食拼盘。小食拼盘$128,份量同埋味道，绝对超值。好大份，两个人都食唔晒。而且又有三种小食俾我哋试，有春卷，鱼饼，同埋虾饼，全部都炸到好香脆。尤其是系虾饼，胀卜卜，好多肉。然后就系牛肉沙律，牛肉烧得好好食，个汁够酸同够辣。做前菜，好醒胃。主食方便，叫咗鸭胸红咖喱配Roti 同埋辣椒酱鸡肉炒面。红咖喱好入味，酸酸甜甜辣辣，好醒胃。炒面亦都好友镬气，如果下次嚟，一定会叫多两样试吓。