影片
更多
2021-09-01
145 浏览
去八乡半日游，行完红砖屋，隔离竟然就有一间隐世泰国菜，以为冇开，推开门发现好香。有个似老板娘嘅人好热情咁招呼我哋，一问之下，原来嘢食全部都系泰国人煮，所以好正宗👍🏻流心芝士虾丸，$82 炸虾饼成日食，呢个就特别啲，加埋芝士系入面，虾饼本身好弹牙，外层香口脆身，入面嘅芝士都好多，一啖咬落去，好正😋香芒虾球，$128朋友最钟意呢个菜，话好开胃，捞饭一流，d芒果又好甜，入面仲加左好多脆脆嘅腰果，加埋大大只弹牙虾球，好好味。而且卖相都好靓，最后除咗中间嘅花球，佢全部配菜都食晒🤣辣椒虾膏大蚬，$138我自己就最钟意呢个菜，真系劲好味，蚬好大，无论蚬、洋葱定系菇，都好好味呀，俾碗饭我呀唔该🤣🤣老板娘问我哋够唔够辣，我话辣就唔系好辣，不过好好味，佢话如果食得辣嘅下次可以叫佢加辣🥰火山炭烧鸡，$132平时食泰国菜好少叫烧鸡，不过老板娘介绍就试吓啦，果然冇介绍错，只鸡好嫩好嫩，应该系我食过最嫩嘅烧鸡，加埋酸甜酱，食多几件都唔会滞😍香叶辣椒肉碎煎蛋饭，$58呢个肉碎又系劲好味，劲送饭，多多饭都食得落，原本觉得冇可能食得晒，最后一粒米都唔剩😅珍多冰，$30想饮珍多冰又怕太甜，于是乎问吓有冇得走甜或者少甜，原
有个似老板娘嘅人好热情咁招呼我哋，一问之下，原来嘢食全部都系泰国人煮，所以好正宗👍🏻
流心芝士虾丸，$82
炸虾饼成日食，呢个就特别啲，加埋芝士系入面，虾饼本身好弹牙，外层香口脆身，入面嘅芝士都好多，一啖咬落去，好正😋
香芒虾球，$128
朋友最钟意呢个菜，话好开胃，捞饭一流，d芒果又好甜，入面仲加左好多脆脆嘅腰果，加埋大大只弹牙虾球，好好味。而且卖相都好靓，最后除咗中间嘅花球，佢全部配菜都食晒🤣
辣椒虾膏大蚬，$138
我自己就最钟意呢个菜，真系劲好味，蚬好大，无论蚬、洋葱定系菇，都好好味呀，俾碗饭我呀唔该🤣🤣老板娘问我哋够唔够辣，我话辣就唔系好辣，不过好好味，佢话如果食得辣嘅下次可以叫佢加辣🥰
火山炭烧鸡，$132
平时食泰国菜好少叫烧鸡，不过老板娘介绍就试吓啦，果然冇介绍错，只鸡好嫩好嫩，应该系我食过最嫩嘅烧鸡，加埋酸甜酱，食多几件都唔会滞😍
香叶辣椒肉碎煎蛋饭，$58
呢个肉碎又系劲好味，劲送饭，多多饭都食得落，原本觉得冇可能食得晒，最后一粒米都唔剩😅
珍多冰，$30
想饮珍多冰又怕太甜，于是乎问吓有冇得走甜或者少甜，原来系得㗎🤣好正呀，中间仲有个椰子冰花，真系又靓又好饮呀😍
龙眼冰，$30
呢度嘅龙眼冰都有特色㗎，就系佢唔单止用龙眼黎浸，仲加左斑斓叶，所以系有淡淡嘅香味，正👍🏻
甜品拼盘
第一次食紫色嘅甜品，用碟豆花整嘅，下面系椰汁，上面清甜下面奶香，好味。而另一件系好立克整嘅，都好重好立克味，好好味。另外两件椰汁糕就当然都好好味啦。
点咗咁多样嘢都好满意😊😊以后食泰国菜又多一个选择，虽然远啲，但系可以远离尘嚣有时都系一种快乐😌😌
张贴
