二家姐正宗原味麻辣火鍋

营业中

休息中

香港人越嚟越钟意麻辣，而且麻辣火锅开到成行成市；想食到好味而又正宗嘅麻辣，又唔一定要食大名气或者明星捧场嘅火锅店。喺啲唔起眼嘅地方，都会发掘到一啲隐世嘅地道麻辣风味。爱好麻辣锅嘅朋友一定要嚟"二家姐"呢度试吓，虽然店舖地址比较"格摄"，但系质素绝对值回票价。嚟到当然要试招牌嘅重庆麻辣鸳鸯锅，主打嘅麻辣有大中小辣选择。由于同行友人食唔到太辣，于是我地就叫咗小辣试下，但系对于食到辣嘅朋友嚟讲我就会建议中辣嘅。不过唔够辣又唔驶失望，锅内嘅花椒份量多，够晒麻香味，正!配料嘅重点推介就系安格斯牛颈脊，牛肉虽然有啲厚度，但系口感柔嫩，牛肉味十足 ! 呢度仲有我至爱嘅冰豆腐!场内嘅店员就推介咗我地点招牌鹅血同埋蛏子皇。鹅血够嫩滑，而蛏子皇就大大只，肉质鲜甜。另外呢度仲有自家制嘅山楂甘草茶，酸酸甜甜，解渴醒胃，不过我觉得个份量可以再大支啲虽然店面细细，但系睇得出呢度嘅装修花咗好多心思，水墨壁画配衬金色嘅装饰主题，感觉别致。