後街牛扒

营业中

休息中

上星期六，落大雨，schedule 系去动漫节朝拜下，谂住落雨冇咁多人，睇下呢间咁间咁多好评既黄店水准如何，去到见门口冇人等，内心莫名兴奋，谂住拎位既时候发觉系扫QR CODE排紧队拎筹，好彩都系等一张，点都等啦！半个钟左右就入到去，嗌个lunch set，好似买车咁，menu上高都系比你upgrade 既菜式，唔upgrade 就比返标准配备你，金睛火眼左一轮，选择upgrade左个带子同他他。带子系莫名地好食，要一啖成粒放落口，先可以感受到佢味道上高既层次感。其他菜式都好别出心裁，自己黎试下啦不过缺点就系，呢个价钱，我觉得可以再丰富多小小，同埋环境实在太逼，坐得唔舒服，好似星期日去左啲连锁coffee shop咁。整体黎讲，论食物质素、服务态度系相当出色，不过呢个价位我会expect 起码坐得舒服小小。