Ha Noi 越南菜

营业中

休息中

尖沙咀真系多嘢食，重庆下面有个商场，表面上十室九空，但入面其实都有几间餐厅，容易揾位，不过我今日就去咗河内越南料理 Ha Noi买外卖。越式海南鸡饭都只系$68。海南鸡冇指定部位，但肉质都够嫩滑。油饭颜色都好靓。因为系外卖，所以极品牛三宝汤河粉嘅面同汤系分开上，真系细心。牛骨汤非常香浓，入面仲浸住牛三宝。牛三宝即系生牛肉、牛𦟌同牛丸，生牛肉用热汤浸熟，够晒嫩滑。越式炸虾饼大大件再一开四，可以开心share。越式猪颈肉好有炭烧嘅味道，切得薄薄口感更佳。龙眼冰入面有好多粒桂圆，清甜得嚟又解渴。青柠梳打有原罐梳打水，返嚟自己慢慢再斟，足足有两杯。