影片
更多
2020-11-08
281 浏览
买咗啲嘢奖励下自己，咁不如就一不离二，食番餐好嘢啦。 谂起之前留意到观塘有间隐世法国菜，就去试下lunch啦，间餐厅位于亚太中心3楼，系一个旺中带静嘅地方。 坐低咗之后，望下餐牌，午餐嘅选择唔算好多，但系都足以令我有选择困难症，因为每一样嘢食都好好食咁，最后我喺法式香蛋厚烧西班牙黑毛猪鞍，同埋西班牙红虾配自家制虾油天使面之间，选择左前者， 因为我好好奇佢𠮶个法式香蛋猪鞍 （HKD258），系点样嘅整法呢? 经店员推介，而我又较肚饿，所以加钱要咗冰镇荔枝浸蕃茄（HKD28），同埋北海道带子配茴香柠檬蜂蜜汁 （HKD88）。 先嚟到嘅系沙乐美肠沙律， 沙律入面嘅醋系两种陈年醋，而个细细一片粉红色嘅系店家自制嘅樱桃萝卜。个沙律菜好新鲜，每一块都系爽脆㗎，醋嘅味道同份量啱啱好，再配埋少少酸嘅樱桃萝卜， 非常醒胃。 之后嚟嘅系北海道带子，好巨型嘅带子呀! 用一个杯装住好似食紧雪糕咁，带子下面就系茴香柠檬蜂蜜汁，带子上面就系好似分子料理咁嘅wasabi 弹珠，同埋海盐红椒粉蛋白泡沫。 估唔到喺个前菜度有分子料理嘅嘢食呀!好惊喜! 带子淡淡肉， 饱满鲜甜， 个wasabi弹珠，望落似三文鱼子，咬落
谂起之前留意到观塘有间隐世法国菜，就去试下lunch啦，间餐厅位于亚太中心3楼，系一个旺中带静嘅地方。
坐低咗之后，望下餐牌，午餐嘅选择唔算好多，但系都足以令我有选择困难症，因为每一样嘢食都好好食咁，最后我喺法式香蛋厚烧西班牙黑毛猪鞍，同埋西班牙红虾配自家制虾油天使面之间，选择左前者， 因为我好好奇佢𠮶个法式香蛋猪鞍 （HKD258），系点样嘅整法呢?
经店员推介，而我又较肚饿，所以加钱要咗冰镇荔枝浸蕃茄（HKD28），同埋北海道带子配茴香柠檬蜂蜜汁 （HKD88）。
先嚟到嘅系沙乐美肠沙律， 沙律入面嘅醋系两种陈年醋，而个细细一片粉红色嘅系店家自制嘅樱桃萝卜。个沙律菜好新鲜，每一块都系爽脆㗎，醋嘅味道同份量啱啱好，再配埋少少酸嘅樱桃萝卜， 非常醒胃。
之后嚟嘅系北海道带子，好巨型嘅带子呀! 用一个杯装住好似食紧雪糕咁，带子下面就系茴香柠檬蜂蜜汁，带子上面就系好似分子料理咁嘅wasabi 弹珠，同埋海盐红椒粉蛋白泡沫。 估唔到喺个前菜度有分子料理嘅嘢食呀!好惊喜! 带子淡淡肉， 饱满鲜甜， 个wasabi弹珠，望落似三文鱼子，咬落去都有鱼子嘅质感，涌出嚟嘅味道系轻微嘅wasabi味，但又绝对唔会抢咗带子嘅风头。而个泡沫好轻盈，带有少少咸味， 味道相当特别， 唔怪得店员咁推介啦呢个菜式，尤其是午餐加配只需88蚊，相当抵食㗎。
下一度系西西里蕃茄汤配蒜蓉包。呢个汤系餐厅自己打㗎，用咗三种蕃茄，甜味系嚟至蕃茄天然嘅甜，而且其中一种蕃茄，仲特别甜㗎。 汤上面仲有烧过嘅北海道小贝柱， 同埋藜麦， 呢个汤蕃茄味相当浓郁， 个汤打得好细， 入口幼滑， 加埋有小贝柱嘅海鲜调味， 真系估唔到蕃茄汤都可以咁好饮! 同埋唔好忘记个蒜蓉包呀，呢度个蒜蓉包非常好食， 佢系整到好脆，但系又唔会好硬，入面面包又带松化， 蒜蓉味又香，真系同平时𠮶啲蒜蓉包完全唔同! 通常𠮶啲都系又硬又干，仲会吉到个嘴㖭。真系好耐未试过饮汤嘅时候会嫌个面包唔够食呀 !
饮完个汤就到另一个前菜， 冰镇荔枝蕃茄。 本身我谂住好心急咁攞个匙羹切开个蕃茄“毕“嚟食。 店员推介嘅食法就系“毕“起原粒蕃茄连薄荷叶放入口，唔好咬番茄住，然后饮晒个汤入口，再一次过咀嚼品尝，原来咁样食法就会先食到荔枝嘅味道，然后再有蕃茄味，到最后先至系薄荷叶嘅香味，充满著层次感， 估唔到一个咁细嘅前菜会为我带呢咁有趣嘅体验!
食咗咁多个前菜终于嚟到主菜啦! 个猪鞍煎得超级超级靓呀! 配有南瓜香橙汁同黑醋松露汁，伴菜嘅系法式炖菜，例如有茄子同萝卜，仲有两件 薯仔。 究竟厨师系点加个蛋浆喺个猪鞍上，而同时蛋同猪可以煎得咁靓嘅呢？就系厨艺嘅表现! 猪鞍厚切，煎得外脆内软，而且非常juicy，加埋蛋香， 真系不得了!
（另外，店员有讲呢只系食橡果嘅西班牙黑毛猪，所以即使肉质有少少红，都系正常嘅可以放心食用嘅）
个猪鞍无论就咁食，定系点汁都好正。 而个炖菜都整得好好食，虽然佢系一个伴菜，但系一啲都唔马虎，而薯仔外面微脆，薯仔肉好香。 成碟无论主角猪鞍，定系伴菜，都好出色! 真系食得好满足呀，我将全部嘢食都食到非常干净。
最后系饮品时间，我叫咗呢度嘅招牌shake shake 冻柠茶。呢度嘅冻柠茶，系由黄柠同青柠再加少少柠油调配嘅，系唔需要笃柠檬㗎! 真系好神奇呀! 饮到好香嘅柠檬茶味，而个柠檬味系比平时饮嘅有分别，感觉系更fresh，好特别，真系非一般嘅冻柠茶! 而且估唔到呢杯柠茶唔使加钱㖞，好抵饮 。
呢餐食得好饱好满足，食嘅每一样嘢，对我嚟讲都好新奇。餐厅使用我认识嘅食材，凭著厨师嘅创意、厨艺同埋用心，炮制出令我惊喜难忘嘅午餐 ! 令到我更加期待喺度食晚餐， 呢度都好适合 撑枱脚、庆祝纪念日或生日㗎，相信会有难忘嘅用餐体验。
张贴
