金蘭花泰國菜 (已結業)

同个朋友去咗湾仔电脑城买野，啱啱佢屋企部电脑跪低咗，要即刻砌过部。搞咗一轮要等攞机，咁佢就话去食个lunch先啦。我无去开湾仔所以无乜主意，咁佢就话佢带我去食泰国菜啦。要向金钟方向行，其实又唔算好远，慢行10分钟啦。行远少少唔紧要，好食就得啦。楼下门口好细，唔讲真系唔知上面有泰国菜食。点咗小食拼盘、湿炒河粉、冬荫功炒饭。小食拼盘有炸虾饼、鱼饼、春卷、炸鸡翼。鱼饼我一向唔多钟意食，但系炸虾饼就好好味。鸡翼皮脆内软，又够香口，推介。冬荫功炒饭味道唔错，酸酸辣辣几开胃，不过系比较油少少。