影片
更多
2024-11-21
139 浏览
琴日嚟到尖沙咀揾食，见到呢间喺小巷入面嘅泰国菜唔系好多人，就入去试一试～店面唔大，但都坐得舒服猪肉肉碎生菜包呢个肉碎有个炉座热佢，可以保持到食物嘅温度👍🏻肉碎炒得好香，带有少少辣味，配上生菜包住食。生菜好爽脆，清爽嘅生菜配上香辣嘅肉碎都好夹～椰汁鸡汤呢个汤好足料！好多件嫩滑嘅鸡肉喺入面👍🏻个汤好鲜甜，带有淡淡嘅椰香味泰式安格斯牛西冷牛扒我地就叫左5成熟，熟度都控制得唔错，配上酸酸甜甜嘅泰式酱汁，中和左牛嘅油腻感，忍唔住一啖接住一啖咁食！作为配菜嘅薯条都系热辣辣炸起，外脆内软👍🏻焦糖咖啡琴日天气好冻，饮返杯暖笠笠嘅咖啡暖下胃就最好不过啦西柚asahi sour本身好中意西柚嘅我当然要试下啦！酒味唔会好强，好顺口，配埋薯条做下酒菜就一流！-overall嚟讲，性价比几高！食物足料又大份，好啱一大班朋友嚟聚餐，推荐大家嚟试下！
店面唔大，但都坐得舒服
猪肉肉碎生菜包
呢个肉碎有个炉座热佢，可以保持到食物嘅温度👍🏻肉碎炒得好香，带有少少辣味，配上生菜包住食。生菜好爽脆，清爽嘅生菜配上香辣嘅肉碎都好夹～
椰汁鸡汤
呢个汤好足料！好多件嫩滑嘅鸡肉喺入面👍🏻个汤好鲜甜，带有淡淡嘅椰香味
泰式安格斯牛西冷
牛扒我地就叫左5成熟，熟度都控制得唔错，配上酸酸甜甜嘅泰式酱汁，中和左牛嘅油腻感，忍唔住一啖接住一啖咁食！作为配菜嘅薯条都系热辣辣炸起，外脆内软👍🏻
焦糖咖啡
琴日天气好冻，饮返杯暖笠笠嘅咖啡暖下胃就最好不过啦
西柚asahi sour
本身好中意西柚嘅我当然要试下啦！酒味唔会好强，好顺口，配埋薯条做下酒菜就一流！
-
overall嚟讲，性价比几高！食物足料又大份，好啱一大班朋友嚟聚餐，推荐大家嚟试下！
张贴
