黃喵餐廳 (已結業)

朋友知我钟意食泰国嘢,带咗我去葵芳一间隐世嘅泰越式餐厅~ 呢间餐厅有2层,下层坐位比较少,我哋坐上层,地方宽阔,装修唔似一般泰越式餐厅,反而比较有文青feel,仲有好多猫猫挂画装饰~ 老板系爱猫之人,舖头有4只好活跃嘅黑猫🐈‍⬛好似巡视业务咁周围行,但又唔会阻碍客人用餐,感觉好舒服,好啱情侣,或者三五知己,一家大细去👍我哋叫咗泰式椰子鸡汤🥥上到枱已经闻到淡淡嘅椰子香味,而且仲有好多鸡肉,菇类同香茅,好足料,鸡肉煲完依然保持嫩滑,唔会干柴柴,味道香甜😋重头戏系是日精选嘅咖哩海鲜农夫饱🦀🦐🦑🦪🍞海鲜有炸虾,软壳蟹,鱿鱼,带子等等...好丰富！炸虾好大只,软壳蟹啖啖肉,份量好足,炸得香脆,再配上香浓嘅咖喱汁真系好食到停唔到口！最正系农夫饱,索晒香辣度适中而带微甜咖喱汁,好惹味😋简直系绝配👍员工推介嘅冬阴功焗薯条🧀🍟系由冬阴功味薯条再加上芝士去焗出嚟,外脆内嫩,而且真系有拉丝嘅感觉,味道几特别,唔错😋叫咗个越式蔗虾做小食,蔗虾肉咬落好弹牙,应该全部都系用虾胶打出嚟先有咁嘅口感,啖啖肉好鲜！叫咗两杯沙冰,朋友拣咗柠檬乳酪沙冰🍋柠檬酸酸甜甜好清新,我拣咗芒果沙冰🥭每啖都充满芒果嘅香甜味,钟意芒果嘅