三家村水產 (已結業)

日式海鲜滨烧食得多，平常大多数在旺区的高级居酒屋。而鲤鱼门感觉上就系食中式海鲜的地方。但今次朋友仔话带我大开眼界，深入鲤鱼门，寻找隐世日式水产店。一到达目的地，海鲜柜入面养著各种生猛海鲜，已经令人目不暇给。有传统的新鲜海鲜货，亦有唔少较为罕见的日本飞机货。再行近座位，见到冇遮冇掩的全海景，实在令人十分兴奋。冇谂过喺呢个地方，竟然有一间无敌海景的靓靓日式水产店。朋友仔快手拣咗几款食物，打头阵系我哋最爱的龙虾。虽然呢款唔系游水龙虾，但质素都几高。店家处理得唔错，肉质紧实，味道鲜甜，而且配搭的酱汁亦都几特别。再来一客开胃刺身，朋友仔大赞，食得津津有味。浜烧海鲜，我偏爱贝壳类。店员会在我哋身旁，即席烧制。肥美饱满的生蚝，配上店家特制的清酒酱汁，好juicy，味道亦更上一层楼。至于贵妃蚌，非常厚肉，每一啖都鲜味十足。又鲜又甜又有咬口，我同朋友仔都认为，这是我哋食过最好食的贵妃蚌。至于熟食，整体水准亦唔错。串烧够晒惹味。天妇罗香口得来又唔太油腻。烧鱼的火候亦刚刚好。饱餐一顿，估唔到最后仲有惊喜！我地点左一客烧菠萝作为甜品。分量十足，一客有8小件。火候亦恰到好处，表面有点焦香，咬开又会爆汁，甜甜的，