影片
更多
2023-07-23
790 浏览
🍲炖鸡汤王牌套餐（炖鸡汤 + 醉鸡翼米线）$78🍲隐世花胶响螺瑶柱炖鸡汤 - 超惊喜🤩！所以第一个想讲左先。鸡汤入口已经知道好足料，味道劲清甜劲浓郁！每一盅入边都有花胶、响螺、瑶柱同鸡脚，呢个价钱饮到呢一碗汤，真系谂都谂唔到咁抵食同好食。小编觉得呢个汤系必试嘅，没有之一！🍜醉鸡翼劲好食，鸡翼劲滑嫩，醉鸡汁好浓郁， 花雕味浓之余又唔会抢晒啲鸡味，平衡得啱啱好。炎炎夏日食醉鸡米线真系好推荐俾大家。🌶️🐥口水鸡米线$35口水鸡米线试左下午茶套餐，虽然店员话下午茶餐嘅份量会比平常嘅餐少啲，但小编想讲其实份量都唔少嘢。口水鸡的酱料有劲多蒜茸、花生同芫茜。虽然餐牌上有3只辣椒仔，但小编觉得佢辣到级别算系微辣，鸡肉配埋口水鸡汁非常惹味！😋口水鸡嘅肉质非常嫩，而且唔会啖啖都系肥膏。米线用左鸡汤底，清甜又唔油，小编食哂个米线兼饮埋个汤。当然呢个就冇炖鸡汤咁浓啦，但系作为一个米线汤底，呢一个都好出色。☺️🧆炸物拼盘（小）$40炸物拼盘有炸春卷、两粒炸墨鱼丸同鸡软骨。鸡软骨嘅份量好多，而且炸得香脆入味，墨鱼丸爽口弹牙。🥗鸡汤学斗（跟餐价$5）小编见到个菜名咁得意而且价钱又唔系贵，就叫咗过嚟试吓。虽然好似只系一个
🍲隐世花胶响螺瑶柱炖鸡汤 - 超惊喜🤩！所以第一个想讲左先。鸡汤入口已经知道好足料，味道劲清甜劲浓郁！每一盅入边都有花胶、响螺、瑶柱同鸡脚，呢个价钱饮到呢一碗汤，真系谂都谂唔到咁抵食同好食。小编觉得呢个汤系必试嘅，没有之一！
🍜醉鸡翼劲好食，鸡翼劲滑嫩，醉鸡汁好浓郁， 花雕味浓之余又唔会抢晒啲鸡味，平衡得啱啱好。炎炎夏日食醉鸡米线真系好推荐俾大家。
🌶️🐥口水鸡米线$35
口水鸡米线试左下午茶套餐，虽然店员话下午茶餐嘅份量会比平常嘅餐少啲，但小编想讲其实份量都唔少嘢。口水鸡的酱料有劲多蒜茸、花生同芫茜。虽然餐牌上有3只辣椒仔，但小编觉得佢辣到级别算系微辣，鸡肉配埋口水鸡汁非常惹味！😋口水鸡嘅肉质非常嫩，而且唔会啖啖都系肥膏。米线用左鸡汤底，清甜又唔油，小编食哂个米线兼饮埋个汤。当然呢个就冇炖鸡汤咁浓啦，但系作为一个米线汤底，呢一个都好出色。☺️
🧆炸物拼盘（小）$40
炸物拼盘有炸春卷、两粒炸墨鱼丸同鸡软骨。鸡软骨嘅份量好多，而且炸得香脆入味，墨鱼丸爽口弹牙。
🥗鸡汤学斗（跟餐价$5）
小编见到个菜名咁得意而且价钱又唔系贵，就叫咗过嚟试吓。虽然好似只系一个简单嘅鸡汤白菜仔，但个份量唔少，味道都唔错。跟餐加$5绝对试得过。
🐥隐世鸡主打冇味精，小编饮晒炖汤同埋米线汤，完全冇口渴口干，真系冇味精，真系真材实料。呢间小店亦都非常之有人情味，所有店员都非常之有礼貌，会同啲客人倾下偈。
P.S. 想讲下午茶真系好抵食，而且下午茶set仲做到夜晚9点，今时今日呢个价钱呢个质素真系买少见少，大家有机会就去试吓啦。
张贴
