La Casa Burger & Pasta (文咸東街) (已結業)

好小黎上环既我，咁岩约左人交野，念住顺便揾野食，同朋友经过呢间汉堡包店，见到餐牌几吸引，就念住试下。我地叫左墨西哥炸鱼汉堡、150g薄切西冷沙律、120g经典芝士汉堡配左2个餐，加一杯奶昔。经典芝士汉堡好juicy，厚切牛咬落去好有口感，好好食，如果汉堡包里面块芝士系流心仲正😋。沙律里面既薄片西冷肥瘦岩岩好，同埋都几多块下，配埋酸酸地既沙律汁，好惹味。炸鱼汉堡炸得岩岩好，劲多配菜，食落口多重口感。叫左薯条同薯角，配左两个酱料，车打芝士酱（左面）同蓝芝士酱（中间），个人比较钟意蓝芝士酱，酸酸地配薯条，乳酪既感觉。真系不得不提个奶昔，劲杰，饮落去好滑既感觉，好似入面落左劲多雪糕咁，饮完系会有超级重罪恶感🤣呢间店面积唔大，有4-5张枱坐，我地去个阵，都有3枱食紧，但系我地落单同食野期间，劲多外卖，睇黎都好多人发掘到呢间美食。