Nomad Burger (海福商場) (已結業)

之前听朋友介绍过呢间Nomad burger，今日见到外卖平台有得叫，即刻叫咗个外卖嚟食😋我哋叫咗个二人餐 ($188)～我真系太钟意食大啡菇，我哋都叫咗一人一个松露安格斯牛菇汉堡 🍔个卖相都好唔错，而且送到过嚟个包都仲系暖😚我个人非常欣赏个面包，好松软而且好香，一啲都冇比啲汁整到淋哂～可能就系因为咁，店家拣咗羽衣甘蓝入去，相对干身，唔会系啲出水嘅蔬菜～我另外欣赏嘅系佢个大啡菇，keep到好丰富嘅汁，咬落去觉得旧菇好嫩啊！当然唔少得牛肉，佢煎得啱啱好，有肉汁，亦非常之浓牛味👍调味唔会太咸～我就算拎住食，都好方便咁食哂成个，唔会散哂～呢个burger都算系我近年食过最好食嘅burger😋呢个餐仲包咗小食，我哋叫咗三重松露薯条 (大) (加$18)🍟份量真系几多，个酱有好浓嘅黑松露味，同时都有阵酸酸嘅沙律酱味～都几好食，不过食到最后会有少少腻感🤣另外，呢个餐仲包两罐汽水～我觉得呢间真系好有惊喜😋朋友果然冇介绍错🤣