鈺膳潮州菜 (駱克道) (已結業)

骆克道食店林立， 竟然比我地揾到间食潮州菜的中菜馆。 6:30pm 到达， 见无乜人， 以为中伏啦。 但我到7pm, 已经爆场，睇黎我早到。是日晚餐脆皮炸子鸡鹅肝鹅片拼鹅翼小炒王沙爹牛肉炒河糖醋面胡椒猪肚汤脆皮炸子鸡， 皮脆肉滑， 鸡肉鲜嫩， 鸡皮炸到好脆， 非常野味。鹅肝， 邪恶的鹅肝， 入口甘香，邪恶都值得。鹅片拼鹅翼， 鹅片较薄但肉嫩，鹅片带弹性， 卤水汁唔会太咸， 带少少甜味。小炒王， 有镬气， 但略为份量较少。沙爹牛肉炒河， 沙爹汁好味， 牛肉厚切有牛肉味， 好似和牛咁软咁林。糖醋面， 糖醋面煎炸得刚刚好， 有微微㶶边， 入口"爽爽"声。胡椒猪肚汤， 胡椒味较淡，似清汤。蚝饼, 份量超大， 正宗潮州蚝饼， 薯粉唔会太浆口， 蚝仔肥美。