潮家宴

营业中

休息中

朋友带我食私房菜， 疫情之后潮家宴开放左会员以外都可以食☺️ 印象中潮洲打冷都比较地踎， 私房菜就好好坐， 环境干净唔会好嘈。呢间出名食翅，但我地散叫小菜全部都好好食。坐底叫左小食，腌萝卜摆到成朵花咁， 口感爽脆。新鲜炸鱼片真系食到停唔到口，淋上咸蛋黄汁，比即食鱼片好食超多。九肚鱼好滑而且无骨， 听讲凤尾鱼比较罕有啲，下次可以试试～豆腐同一般唔同， 结实d，有少少似鱼腐。有2个酱可以点， 我钟意柚子酱多过甜酱，伴碟芋头丝都唔好放过， 好似薯片咁脆。卤水鹅唔会好油腻，底下有百页豆腐。薄饼用木薯粉做，质地比较烟靭，萝卜清甜多水，上面好多腰果。胡椒猪肚汤好辣，汤渣另上。第一次见黄金卷， 顾名思义有咸蛋黄，仲有南瓜蓉，口感几特别。潮洲菜必食反沙芋， 餐厅仲拉左麦芽糖，好怀旧。最后食埋八宝汤系红枣雪耳小丸子糖水。