影片
更多
2022-11-27
995 浏览
今次介绍间抵食又饱肚既餐厅先~ 观塘既工厦真系隐藏左好多高质既小店呀！餐厅由一班90后厨师打理，佢地立志要做出最好味既豉油鸡，可见绝不马虎！♢🍱秋意去骨豉油鸡 $60平时食豉油鸡既固有印象就系去烧味店斩料，或者系茶记既碟头饭，不过秋意就中日融合，以日式便当既方法呈现广东菜式，好精致！招牌豉油鸡果然名不虚传，一上菜就已经香喷喷！成份豉油鸡唔会太多酱汁，但系每块鸡皮都浸到够入味，食落带D焦糖香味，而且D鸡皮又唔会太多肥膏，肉质又够细嫩，仲好贴心去哂骨添！原来秋意个秘诀就系用上最靓既三黄鸡，难怪咁好食！便当入面仲有半只酒酿溏心蛋﹑胡麻酱沙律菜同小菜，做到一餐都营养均衡，抵赞！♢ 🐓瑶柱去骨贵妃鸡 $62同豉油鸡唔一样，贵妃鸡比较著重于鸡既鲜味。鸡皮既黄油岩岩好，食落滑口，咬落去感受到肉质细腻，配上瑶柱食用再带一点咸香，同豉油鸡好唔同，但都同样出色！秋意知道好多女士都减肥唔想食咁多饭~ 所以白饭加$5可以转「干捞低糖蒟蒻面」，可以减低摄取淀粉质。呢个面都有惊喜呙！平时食蒟蒻面最怕有猩味同橡胶口感，但佢完全唔会！感觉就好似食紧港式炒面咁，带有芝麻香，好好食！♢ 🥣花胶竹丝鸡炖虫草花汤 $48呢碗
♢🍱秋意去骨豉油鸡 $60
平时食豉油鸡既固有印象就系去烧味店斩料，或者系茶记既碟头饭，不过秋意就中日融合，以日式便当既方法呈现广东菜式，好精致！招牌豉油鸡果然名不虚传，一上菜就已经香喷喷！成份豉油鸡唔会太多酱汁，但系每块鸡皮都浸到够入味，食落带D焦糖香味，而且D鸡皮又唔会太多肥膏，肉质又够细嫩，仲好贴心去哂骨添！原来秋意个秘诀就系用上最靓既三黄鸡，难怪咁好食！便当入面仲有半只酒酿溏心蛋﹑胡麻酱沙律菜同小菜，做到一餐都营养均衡，抵赞！
♢ 🐓瑶柱去骨贵妃鸡 $62
同豉油鸡唔一样，贵妃鸡比较著重于鸡既鲜味。鸡皮既黄油岩岩好，食落滑口，咬落去感受到肉质细腻，配上瑶柱食用再带一点咸香，同豉油鸡好唔同，但都同样出色！秋意知道好多女士都减肥唔想食咁多饭~ 所以白饭加$5可以转「干捞低糖蒟蒻面」，可以减低摄取淀粉质。呢个面都有惊喜呙！平时食蒟蒻面最怕有猩味同橡胶口感，但佢完全唔会！感觉就好似食紧港式炒面咁，带有芝麻香，好好食！
♢ 🥣花胶竹丝鸡炖虫草花汤 $48
呢碗汤超级足料又好饮，睇得出秋意好有诚意！呢碗汤味道鲜甜，用左花胶﹑乌鸡﹑猪肉黎煲，加上虫草花带有些少中药味。花胶汤滋补养颜，又有丰富骨胶原，叫便当加$48就饮到喇~ 好抵！
秋意既豉油鸡好值得一试！唔只主菜好食，连配菜都一样新鲜好味！除左豉油鸡贵妃鸡，佢地仲有口水鸡、红烧肉﹑酸菜鱼等等。今次其实仲想试醉鲍鱼架，可惜夜晚黎已经卖哂，唯有下次再黎试啦！
@dineoutla.hk
密密更新☀️ 欢迎追踪👋🏻
张贴
