淘園火鍋館

营业中

休息中

打边炉一路都系香港人最爱， 虽然受到疫情影响， 火锅店人流明显减少， 但仍然无阻我想打边炉既心。呢间火锅店位于佐敦， 近柯士甸站， 晚上七点到人流比较少。火锅店格局比较传统， 比较港式地道感觉。钟意食辣嘅我拣咗四川麻辣 鸳鸯锅， 最估唔到呢度会有正宗嘅四川麻辣锅。 店员直头将麻辣砖 送到我手上， 畀我自己调较难度。 呢啲麻辣砖系四川直送， 完全感受到火锅店嘅用心。最欣赏呢度嘅炸鱼皮同埋炸响铃， 好大原因系因为即炸！😍 香口得嚟又唔太油， 配搭正宗四川麻辣汤底， 简直系天堂级美食。