八沢 (已結業)

今日因为工作关系过左中上环区食饭，我就拣左去新纪元广场既「八沢」。据称午饭时间非常多人，但好彩12点半之前都唔系好需要等位，一去到就即刻有得入座啦！铺头既位置都唔系咁易揾，扰攘左一轮，又上又落先揾到。店内嘅空间其实都几细，活动空间都几少。见到枱面上嘅广告写住「黑松露忌廉海鲜乌冬」系连续六年销量冠军，亦系呢度嘅招牌菜，毫无悬念之下就拣咗佢啦。一上枱，心入边忍唔住问咗一句：「点解同张相差咁远嘅」.....不过唔叫都叫左，try try啦。佢汤头个忌廉味好浓郁，仲有黑松露系入边，好似饮紧汤咁。但海鲜嘅份量就比我预期中少，只有三件熟嘅三文鱼，两粒帆立贝。三文鱼味道就一般啦；帆立贝就半生不熟，好食！总括黎讲，呢个乌冬只属一般质素，唔算好有惊喜。反而我见到旁边好多人食牛扒挂乌冬，下次俾多次机会佢再嚟试试佢！