正宗文記小食車仔麵

营业中

休息中

之前有一晚路过呢间小食店见到有个雪柜摆咗一盒盒嘅咖喱鱿鱼，好奇心驱使之下去帮衬咗，结果一试难忘！之后每次来到观塘，我都特意绕路来到呢度买盒咖喱鱿鱼来食。今日中午再次路过，午饭都未食，就已经挂住盒鱿鱼。可能因为正值系午饍时间，我一来到见到间舖主要做紧外卖车仔面生意，未见另外有雪柜系卖咖喱鱿鱼，又唔见menu有。我硬住头皮问有冇咖喱鱿鱼，好彩店员话有！之后店员喺汽水雪柜底嘅深处掏出一盒咖喱鱿鱼。虽然我叫咗份细盒($27)的，但份量都足够一至两个人食了。我最深刻系佢个酱汁，够辣，少少呛喉，惹味，另外呢个鱿鱼系冻食的，土鱿好滑冇筋，冇乜碱水味，我相信系用酱汁放入雪柜腌咗一段时间先会咁入味。唔知系咪出水，我略嫌个汁稀咗啲，如果可以稠返啲同挂汁啲就perfect了。虽然佢个名叫「秘制辣鱿鱼」，但我觉得佢好食过好多出名嘅车仔面店嘅「玻璃鱿鱼」好多！😋我食过咁多间车仔面，呢间嘅「玻璃鱿鱼」系我暂时食过咁多间之中最好食的！