鐵堂 (已結業)

佐敦开咗一间新嘅日式料理店，主要以日式定食、炭火烧、寿司为主。小店装修以木系为主，有烧烤同非烧烤嘅坐位。而lunch 主打定食，餐牌以「金、银丶铜、铁」命名，同店名铁堂好夹，可能想玩金属元素。「银」套餐由牛肉寿喜烧配上月见饭，再配上蟹肉可乐饼、炸鸡同和枝豆。寿喜酱油味香浓，汤底偏甜。肥牛爽口，配上冬菇杂菜，十分饱肚。而蟹肉可乐饼香脆十足，蟹肉份量都好多。「金」套餐由照烧鸡腿肉配上紫菜饭，再配上明太子鸡翼、螺肉同枝豆。鸡翼外脆内脆，明太子好多，多到装满咗成只鸡翼，而充满住咸香。照烧鸡扒嫩滑多汁，配上香甜嘅日式酱油，好夹𩠌饭。最后食埋啲清新嘅枝豆，十分满足。