影片
更多
2023-06-30
69 浏览
今次去咗中环一间顶级嘅拉面店呀，净系听佢个名就已经够架势。日本著名冠军级拉面大师林隆臣同埋日本人气拉面的厨艺界领袖人物松村大，一齐去设立嘅国际旗舰拉面品牌，因为喺日本大受欢迎所以就想将呢个美食带嚟香港。因为今次系同成班朋友一齐食所以都试咗好多唔同嘅拉面，感觉就好似拉面放题咁。等我介绍几款觉得印象深刻嘅俾大家啦。⚜️凉风红楚蟹高汤盐冷面汤底系用咗来自日本嘅用红楚蟹熬制，蟹汤真系非常鲜味呀，加上佢系一个冷面，夏天食感觉一流呀。拉面上有一个泡泡造型，一触即破，净系用嚟影相打卡就已经一流啦。⚜️九味酱油汤拉面咁呢一款拉面呢就系由九种特级日本酱油调制而成，所以佢嘅汤真系冇得弹，每一啖面都可以食到独特嘅感觉，味道超浓郁。加上佢系配有一个特制酱油腌制的 3cm 厚切慢煮叉烧，感觉有啲似食紧东坡肉，有入口即溶嘅感觉，但系又唔会好腻，真系好味到停唔到口。⚜️特级白汤拉面呢一款呢系「立体派」既招牌拉面，佢系完全用天然食材去熬制嘅，绝对冇任何嘅味精同埋调味剂，所以呢个独特嘅汤底就系呢碗面嘅灵魂，佢系用咗日本米鸭同埋有机饲养的京都丹波地鸡熬制而成，真系每一啖汤底嘅味道层次都系非常丰富。⚜️大阪芫荽和风蕃茄汤拉面呢一款
因为今次系同成班朋友一齐食所以都试咗好多唔同嘅拉面，感觉就好似拉面放题咁。等我介绍几款觉得印象深刻嘅俾大家啦。
⚜️凉风红楚蟹高汤盐冷面
汤底系用咗来自日本嘅用红楚蟹熬制，蟹汤真系非常鲜味呀，加上佢系一个冷面，夏天食感觉一流呀。拉面上有一个泡泡造型，一触即破，净系用嚟影相打卡就已经一流啦。
⚜️九味酱油汤拉面
咁呢一款拉面呢就系由九种特级日本酱油调制而成，所以佢嘅汤真系冇得弹，每一啖面都可以食到独特嘅感觉，味道超浓郁。加上佢系配有一个特制酱油腌制的 3cm 厚切慢煮叉烧，感觉有啲似食紧东坡肉，有入口即溶嘅感觉，但系又唔会好腻，真系好味到停唔到口。
⚜️特级白汤拉面
呢一款呢系「立体派」既招牌拉面，佢系完全用天然食材去熬制嘅，绝对冇任何嘅味精同埋调味剂，所以呢个独特嘅汤底就系呢碗面嘅灵魂，佢系用咗日本米鸭同埋有机饲养的京都丹波地鸡熬制而成，真系每一啖汤底嘅味道层次都系非常丰富。
⚜️大阪芫荽和风蕃茄汤拉面
呢一款拉面真系令我好矛盾呀，因为我系唔食芫荽但系我又超钟意食蕃茄，所以最后我都忍唔住要试吓。首先讲吓佢嘅蕃茄汁真系超浓郁，食落去呢有少少似沾面，挂住好多蕃茄汁好正啊。芫荽方面一睇就见到成碗面放满晒，不过呢佢话芫荽同我哋平时喺香港食嘅有啲唔同，佢系有一种好清新好饱满嘅感觉，连唔系太钟意食芫荽嘅我都可以入到口，所以想言之佢做得几好味。
张贴
