影片
更多
2018-04-06
399 浏览
一直以来都无咩机会同男朋友拍拖既时候食中菜，原因系好多时食中菜都系一班人食会比较好，因为中菜好多时都分量颇大，如果两个人拍拖去食，只能叫一两碟， 不能试太多款嘅菜式。但其实我非常钟意食中菜，尤其是食海鲜同埋粤菜，相对浓油赤酱既沪菜，或者麻辣香厚既川菜，粤菜更著重食材既鲜味同师傅既功力， 但可惜香港食到正宗同埋靓嘅粤菜嘅地方唔多。不过好好彩 ， 朋友介绍我同男朋友仔去呢一间御膳私房菜度试下。 不得了，我谂我会bookmark呢度，做日后嘅饭堂，奖赏自己。由于怕冇位嘅关系，我地一早就book 定台， 最开心嘅系呢度同出面唔同，有得按人数去选择，同埋按自己喜欢嘅食材去拣套餐，而且一去到餐厅就有得食。 作为蟹迷嘅我梗系要试下呢度嘅大肉蟹啦。二人套餐既前菜系麻辣手撕鸡， 青瓜切成幼丝， 清爽脆身 ，手撕鸡充满麻辣酱香味， 而且鸡丝长短不一，非常索汁， 冰冰凉凉嘅口感 ，加埋麻辣香，非常引起食欲。不过我见到隔离枱多啲人嘅关系，佢哋嘅前菜就系一个麻辣拼盘，除咗鸡丝仲有其他卤水，份量唔细咁， 希望下次有机会，同多啲朋友一齐嚟试下啦。黐完前菜跟住出场嘅系什菌豆腐大蚬汤，一睇就觉得吸引，好少地方可以将汤头
但其实我非常钟意食中菜，尤其是食海鲜同埋粤菜，相对浓油赤酱既沪菜，或者麻辣香厚既川菜，粤菜更著重食材既鲜味同师傅既功力， 但可惜香港食到正宗同埋靓嘅粤菜嘅地方唔多。
不过好好彩 ， 朋友介绍我同男朋友仔去呢一间御膳私房菜度试下。 不得了，我谂我会bookmark呢度，做日后嘅饭堂，奖赏自己。
由于怕冇位嘅关系，我地一早就book 定台， 最开心嘅系呢度同出面唔同，有得按人数去选择，同埋按自己喜欢嘅食材去拣套餐，而且一去到餐厅就有得食。 作为蟹迷嘅我梗系要试下呢度嘅大肉蟹啦。
二人套餐既前菜系麻辣手撕鸡， 青瓜切成幼丝， 清爽脆身 ，手撕鸡充满麻辣酱香味， 而且鸡丝长短不一，非常索汁， 冰冰凉凉嘅口感 ，加埋麻辣香，非常引起食欲。
不过我见到隔离枱多啲人嘅关系，佢哋嘅前菜就系一个麻辣拼盘，除咗鸡丝仲有其他卤水，份量唔细咁， 希望下次有机会，同多啲朋友一齐嚟试下啦。
麻辣手撕鸡
30 浏览
0 赞好
0 留言
黐完前菜跟住出场嘅系什菌豆腐大蚬汤，一睇就觉得吸引，好少地方可以将汤头煲到浓沃嘅奶白色，仲白过牛奶。
是真啲汤底其实应该用咗新鲜鱼同大骨煲汤， 加上豆腐同大蚬，个汤鲜味十足，好有屋企嘅味道， 但当然系更加足料，而且杂菌吸收晒汤头嘅鲜味，足料既程度，我觉得唔只系一个汤，而系一道菜。
杂菌豆腐大蚬汤
28 浏览
0 赞好
0 留言
可能我影得有啲细，但其实只蚬系有两节手指咁大， 蚬肉鲜甜冇沙，真系想嗌多两碗饮下。
27 浏览
0 赞好
0 留言
蒜蓉粉丝蒸蛏子皇， 虽然系最简单嘅蒜蓉粉丝蒸，但亦都系最能够带出鲜味嘅煮法，越系简单嘅方法，其实更显用心， 净系 蒜蓉都已经用咗金银蒜，即系普通蒜蓉同埋豉油煮过嘅蒜蓉， 蛏子皇非常大只厚肉，食落啖啖都系汁， 加上粉丝吸晒豉油汁同时蛏子汁嘅香味。
「小二，唔该嚟多两碗白饭。 」
蒜蓉粉丝蒸蛏子皇
30 浏览
0 赞好
0 留言
胡椒炒大肉蟹
大肉蟹非常足斤两，目测起码斤几两斤，因为净系蟹钳都大过拳头， 同埋师傅好细心咁将胡椒打磨到好细，咁样捞埋姜葱做芡，带出肉蟹嘅鲜味，加上走过油嘅关系，锁住咗蟹既肉汁同水分，干身得来外脆内juicy，三个字：无得输。
胡椒炒大肉蟹
25 浏览
0 赞好
0 留言
如果系西贡食呢碟蟹都起码二百蚊啦。
除番开呢个套餐其实每人400几蚊，真系抵到不得了。
净系蟹钳都大过我只手，啖啖都系肉，不得了。
18 浏览
0 赞好
0 留言
花雕蛋白蒸龙趸球
龙趸球起晒肉，啖啖肉冇骨，鱼皮厚身，充满骨胶原嘅味道，弹性弹性。 除咗鲜甜实肉之外，都冇咩说话好讲了，反而我想赞下个蒸蛋白，事关个蛋白用咗上汤同花雕去蒸，滑过豆腐之外，感觉就好似系食紧豆腐花，不过系上汤味嘅豆腐花。 唔系太识形容，口感介乎于饮汤同食豆腐花之间。
细细声讲，我食晒呢个蒸蛋白，冇留到畀男朋友食，哈哈。
花雕蛋白蒸龙趸球
28 浏览
1 赞好
0 留言
金丝翡翠凤尾虾
上面嘅金丝其实系用金华火腿烩咗嘅鱼翅， 充满火腿丝既香味， 配上非常之弹牙可口嘅凤尾虾，可惜一人只有一只啦，哈。
虽然配菜好似系简单嘅节瓜同冬菇，但节瓜清甜，蒸得刚好，冬菇厚身重菇味，夹埋鱼翅食又系good good good 。
金丝翡翠凤尾虾
36 浏览
0 赞好
0 留言
其实食到呢个位我已经八成饱，已经非常大满足， 唔好睇每碟菜嘅份量好似少少哋咁，但原来食落真系可以好饱，仲可以试到每种唔同嘅菜式。
蒜片牛柳粒
我谂系男士嘅 favorite， 蒜片炸到脆卜卜，加上牛肉充满蒜香，又系一个惹味嘅小菜， 绝对好啱送饭。而每粒牛肉都系mini bite size,， 女士就算饱饱哋都可以食几粒过下口瘾。
蒜片牛柳粒
32 浏览
0 赞好
0 留言
蟹油银芽炒面
蟹油呀呜呀， 一嚟就闻到超香嘅味道， 再加上炒得非常之干身有镬气， 真系好难忍口，几饱都要食埋佢。
蟹油银芽炒面
29 浏览
0 赞好
0 留言
芒果布甸
至于甜品就系充满怀旧味道嘅芒果布甸，梗系要落番少少花奶落去揾番儿时嘅味道啦， 加上大大粒嘅芒果肉，甜品胃被满足了。
芒果布甸
24 浏览
0 赞好
0 留言
成张单total九百零蚊，除开每人400几蚊， 其实同去西贡食海鲜既价钱分别不大，不过质素就高好多。 而且唔使喺西贡俾人㓥， 食嘅真系一分钱一分货，值啦。
张贴
