御膳

营业中

休息中

话说呢间私房菜有两个不同嘅朋友都有提起过话好好食，难得朋友仔生日，就有藉口食大餐啦！如果未去过嘅朋友仔，要留番啲时间揾个位置，因为对于好似我唔熟观塘嘅人来讲，都要啲时间去揾，不过工厦就系有一个好处！地方够大，讲返正题先!首先老板娘同埋伙计嘅招呼要赞一赞,佢哋超级细心,会睇住我哋食嘢嘅速度慢慢上菜,同埋适当嘅时间,就会上菜同埋同你换骨碟，讲吓啲嘢食先，我哋食海鲜餐，只蛏子大只到呢！不过可能整嘅时间耐左少少，香口就够啦！不过就老咗少少！重点黎啦！避风塘炒蟹！！！一嚟到隔离枱见到都哗哗声！点解？因为只蟹咁大我哋只有两个女仔！不过千祈唔好睇小我哋！因为佢炒得超香。同埋超好肉，我哋系完整食晒嘅😆另外仲有个牛柳都系超正！非常咁juicy !!呢个真系要一试！食完最后先听到介绍嘅朋友仔讲，原来呢度嘅士多啤梨骨系非常出名！下次一于再嚟食埋佢