影片
更多
2019-03-14
139 浏览
今晚又到元朗食好西，朋友拣左呢间近元朗体育馆嘅餐厅，话个老板对食物质素要求好高，唔会令我失望咁话。原来呢间餐厅唔系普通既西餐厅，佢系一间私房西餐厅，唔怪得之朋友话老板对食物质素要求好高啦～我地两个人，拣左食6 个course 个set。首先黎左个前菜，即系香醋带子。香醋既少酸味非常醒胃，唤起左带子既鲜甜。食完呢道前菜，令我更急不及待。再黎就系鱼子酱雪蟹肉沙律，平时唔食鱼子酱既我试左一两粒后，发现原来高质既鱼子酱系咁好食！雪蟹肉有唔少，捞埋又弹牙既鱼子酱，再次一冲击我既味蕾～！之后就系令我最有惊喜既香桃味龙虾！呢个我真系要比十个LIKE呀！桃味清甜，龙虾肉十分弹牙同新鲜，最念念不忘就系呢味菜式了～食到咁上下就黎左个清汤，松露同黑菌十分配合，互相提升对方既味道～而且汤清而不滞，不错不错～Main course 之前就黎既烧八爪鱼，我十分佩服厨师可以将一样咁难处理同好易整到好韧既食物煮得咁有弹性～最后黎到全晚重点：烧安格斯顶级肉眼扒，呢度足19-20安士，二人份量～我地叫左5成熟，配菜一D 都唔马虎，我仲食晒果D 细条红萝卜，因为真系好甜呀！肉眼扒外面煎得香脆，5成熟恰到好处，唔会太多筋咬唔
今晚又到元朗食好西，朋友拣左呢间近元朗体育馆嘅餐厅，话个老板对食物质素要求好高，唔会令我失望咁话。原来呢间餐厅唔系普通既西餐厅，佢系一间私房西餐厅，唔怪得之朋友话老板对食物质素要求好高啦～
我地两个人，拣左食6 个course 个set。首先黎左个前菜，即系香醋带子。香醋既少酸味非常醒胃，唤起左带子既鲜甜。食完呢道前菜，令我更急不及待。
再黎就系鱼子酱雪蟹肉沙律，平时唔食鱼子酱既我试左一两粒后，发现原来高质既鱼子酱系咁好食！雪蟹肉有唔少，捞埋又弹牙既鱼子酱，再次一冲击我既味蕾～！
之后就系令我最有惊喜既香桃味龙虾！呢个我真系要比十个LIKE呀！桃味清甜，龙虾肉十分弹牙同新鲜，最念念不忘就系呢味菜式了～
食到咁上下就黎左个清汤，松露同黑菌十分配合，互相提升对方既味道～而且汤清而不滞，不错不错～
Main course 之前就黎既烧八爪鱼，我十分佩服厨师可以将一样咁难处理同好易整到好韧既食物煮得咁有弹性～
最后黎到全晚重点：烧安格斯顶级肉眼扒，呢度足19-20安士，二人份量～我地叫左5成熟，配菜一D 都唔马虎，我仲食晒果D 细条红萝卜，因为真系好甜呀！肉眼扒外面煎得香脆，5成熟恰到好处，唔会太多筋咬唔烂，又唔会太生，非常满意～
至于餐饮，我点左红莓花茶，消一消滞，令呢餐完结得十分完美～
整体黎讲，餐厅气氛几好，每道菜式都好精致，绝不马虎，如果想试精致私房西餐，呢间绝对系好选择～
值得一提，老板话每两个月会转下meau，咁就唔怕我地食至厌又有新鲜感啦！
张贴
