林仔茶檔 (已結業)

旺角食饭多款式多选择就系人都知，而且地理方便系一班好朋友集合食饭嘅好地方嘛 。平时出开旺角都系食放题火锅或者Cafe，今次同朋友要去听讲座，所以谂住快快脆脆食啦。点知就俾我拣到一间好餐厅。餐厅侍应非常之好，服务超好，面带笑容，劲nice，入到去有亲切嘅感觉。之后侍应姐姐介绍咗原来呢一个虾球荣获米芝莲奖项架。咁就即刻嗌嚟食啦！另外仲见到砂锅云吞鸡，唔错㖞，咁啱想饮吓啲汤水。点知原来云吞鸡仲可以配饭，米粉或者米线。嚟到样样都好大份，真系抵食啦。讲一讲米芝莲嘅虾球佢系有两款口味，一款系有咸蛋黄而另一款系有沙律酱。我觉得两款都好好食，而且虾球好大只，亦都非常之好送饭。砂锅云吞鸡，鸡肉超嫩滑。食完𩠌之后将个米粉放落去一路食一路饮晒啲汤。超满足！其实餐厅入边仲有好多选择，我都未食得晒咁多款，下次要叫一大班朋友嚟，因为我见到隔篱枱姨姨选择咗蒸鱼，大大条60几蚊真系好抵食㗎。隔篱枱姨姨仲话味道非常之好，下次约埋屋企人一齐食先至得。