榮發粉麵專家 (已搬遷) 新店位置

是日放工，打番食完野早啲抖，第日要开早会briefing，索性叫个外卖仔一号，自行买番屋企开餐。呢间属街坊御用粉面，前后食过4次，小店隐蔽，店面好传统，内里无咩装修，好平实既粉面店，但每日每个时段都平均有8至9成入座率，此小店因帮衬过几次，食物又抵又好味仲好大碗，份量多到食得好饱，实在想开心些牙一下。是晚叫左个墨鱼丸幼面、鱼蛋河加个油菜打道回府同老姐开餐。因为系食左3分一先忽发奇想要推介呢间隔世小店，所以啲相系食紧时影，无左一啲馅，唔够完整呈现份量多得很既真相。墨鱼丸幼面: 幼面无皂水味，量很多，墨鱼丸大大粒共有5粒，好弹牙，重点在于个汤，汤头清香带甜，啖啖面配泥食，一绝，个汤会令人想清到底。鱼蛋河: 汤河幼滑，入口好绵滑，河粉量多，鱼蛋非常爽口弹牙（因为食左半，所以只影到净底果两粒鱼弹)个油菜好抵，超大盒，菜量占据成个外卖盒子(原本量好多，因已食紧半先影，所以欠完整性)，生菜好新鲜，无发现黄左或霉左，多爽口同鲜，蚝油亦无吝啬，大大pat，正。整体来说，呢间隐世小店真正做到价廉物美，用心制造，实属值得回头番兜&兜之选，支持。