老四火鍋小廚

营业中

休息中

荃湾街市有好多隐世大排档，经过都好想食，而今次我就拣左呢间「老四火锅小厨」食。价钱亲民，但系味道就十足十好似去酒楼食饭咁，同埋店铺都有部大电视同埋风扇，坐底都唔会话好热。我自己特别钟意酸菜鱼嘅味道，所以就叫左碗「酸菜鱼红薯粉」食（晚市价钱$148），如果中午去食lunch，就会有多啲薯粉，就我睇menu所知，价钱都会平啲。喺上菜嘅时候，第一时间比佢嘅卖相吸引，配料有豆卜、芹菜、红辣椒、葱，加埋佢即场特制嘅汤底，五颜六色。汤汁饮落系带有少少辣味，但唔会辣到顶唔顺，亦都充满酸甜嘅味道，加埋啖啖开胃嘅酸菜，十分开胃。我自己食米线嘅时候好钟意加酸菜，所以喺呢到都满足到我嘅愿望，食到家乡酸菜嘅味道！佢嘅酸菜鱼口感亦都软熟同埋去骨切成小块，所以好易入口。特别钟意鱼嘅味道同汤底混合，好惹味。而店铺嘅红薯粉亦都煮得好爽口弹牙，可以慢慢用心咀嚼。另外，我都叫左碟「香菜肉碎四季豆」（$88），肉碎酱汁同埋四季豆捞埋，色泽油亮鲜艳，睇落好美味可口。食落都估唔到系咁好食，四季豆清甜入味够香气，十分适合叫黎送饭。有啲可惜因为佢份量都十足，个肚食完已经好饱，见到个menu仲有好多好食嘅小食嘅主菜，仲有火锅，希望下