串本屋 (已結業)

今日喺油麻地收工，朋友话想去居酒屋食串烧，问我附近有冇边间好推荐，我系OpenRice搜寻底下就见到呢间居酒屋，都几多人推荐，所以就决定过嚟试吓，真系唔错☺️☺️ 首先想赞嘅就系，呢间餐厅食物嘅选择种类非常之多，除咗串烧之外，都有唔同嘅主食俾大家选择，例如咖喱饭、蛋包饭、乌冬、天妇罗，同埋茶渍饭等等☺️所以拣饮择食嘅朋友都唔使担心叫唔到嘢食，呢度总有一款会啱你嘅～喺串烧方面；我哋试咗唔同种类嘅串烧，例如盐烧白鳝、盐烧封门柳、日式免治鸡三色串～ 全部串烧都系即叫即烧，调味刚刚好唔会话太浓，突出到食材嘅鲜味 ～☺️ 我哋仲试咗，佢嘅自家制玉子烧，玉子烧到一层层，好有层次，调味刚刚好突出到蛋香～唔会太甜☺️☺️ 蟹肉茶碗蒸用料都好足，真系食到蟹肉一丝丝，配埋滑滑嘅蛋，更加突出到蟹嘅鲜甜味 ～ 朋友最钟意就系佢个烧芝士年糕，佢话对比喺出面𠮶啲餐厅，呢度嘅芝士年糕馅料好多，芝士味香浓，所以都encore叫多咗一份 ☺️☺️☺️ 主食我哋都唔敢叫太多，净系叫咗个茶渍饭试吓，有机会一定要再试吓佢嘅咖喱饭同埋蛋包饭☺️☺️呢间餐厅性价比非常高，两个人去食串烧居酒屋，人均都系两百零蚊左右，值得再次回头☺️