磯の水產

营业中

休息中

本身打算找一间静静的餐厅，两公婆食一餐平安夜晚餐，又谂唔到食乜好，最终决定了去食日本料理。一入到去，餐厅位置宽敞，唔算多人(相信系因为位置问题)，坐得几舒服。打开餐牌，都几多不同款式的料理，分别叫了炸鱿鱼圈、烧花鱼一夜干、牛舌串烧、鸡肉大葱串烧、鸡软骨串烧、浜烧海鲜拼盘、刺身拼盘、寿司拼盘及抹茶汽水。炸鱿鱼圈不算好突出，不过上枱时都烧，以及都做到外脆内软，尚算不俗。至于烧物方面，烧花鱼一夜干的鱼肉食落都几滑，啲鱼皮都脆，同埋都唔多骨，而三款串烧都唔太特别，不过牛舌就略嫌硬咗少少。到海鲜方面，浜烧海鲜拼盘由专人在面前主理(不过我钟意自己烧多啲，虽然应该唔及专人烧得好，但胜在自己烧，好似有得玩咁)。这个拼盘的海鲜有大扇贝、鲍鱼、蚬及蚝，而且都几新鲜，食落时好嫩滑，同埋啲汁好香，好好味。刺身拼盘方面，件件都系厚切，而且好新鲜，唔错。整体嚟讲今餐的食物唔错，再加上环境舒适，可以再试。