新贊記點心皇

营业中

休息中

早排喺旺角揾嘢食，好耐冇食过点心所以去咗新赞记点心皇食点心。舖头唔系好大但系坐满人，坐低即刻点咗北菇棉花鸡、凤爪排骨饭、香茜牛肉肠、同埋赞记虾饺皇。先讲虾饺皇，入面旧虾超巨大而且超鲜甜，出面块皮又薄我钟意，点少少辣椒油你食系必食之选。而另外牛肉肠就好有惊喜，因为入面啲牛肉超厚超多而且啲牛肉入面有香茜但又唔系话好浓嘅香茜味，啱啱好超正。凤爪排骨饭点埋个秘制豉油食比起平时食开𠮶啲好食好多。北菇棉花鸡棉花超厚超大嚿，而且有好几嚿绝对抵食，其实性价比非常之高，叫咗四样嘢都唔使一百蚊，而且每样嘢都系即叫即蒸全部热炙炙，讲真比起平时酒楼食𠮶啲好明显高一筹。