影片
更多
2021-11-13
774 浏览
2021年10月27日 星期三今晚约左旧生食饭倾偈，选择左鲗鱼涌呢间餐厅，贪个位置唔算太嘈，静静地可以倾耐啲餐厅主要系食西餐，餐牌既食物都有好多款式，价钱都唔算太贵，主要系小食比较多，可以用来送酒，所以我哋都叫咗少少嘢食同啤酒饮首先嚟到嘅系蒜蓉牛油虾仁，冇谂过细细份都有好多只虾，每一只虾都俾蒜蓉牛油包住咗，所以食落去好够味，而且虾本身好弹牙，极速已经俾我哋清左成碟之后我叫咗杯芒果茶，嚟到嘅时候够晒冰冻，充满芒果果香之余，茶味都几浓郁，正好可以解去刚才食蒜蓉牛油虾仁嘅油腻感至于朋友当然就点左啤酒，冇谂过嚟到嘅时候会咁大杯，可以俾佢慢慢叹，佢饮完话啤酒嘅麦味几重，反而酒精唔算太浓，完全唔怕会饮醉跟住我哋点咗半只烧鸡配薯条，烧鸡烧得好香，外皮好脆身，仲加上混合香草添，调味好足够，里面既鸡肉仍然保持嫩滑，相当唔错至于薯条都好厚身，咬落去有薯仔味又脆口最后仲有香煎鱼柳香草柠檬忌廉汁配蔬菜，酱汁同鱼柳好配合，唔会太过腻，酸酸地几开胃，同蔬菜都好夹，而且鱼柳唔会煎过熟，入口唔觉得好硬食左咁多野每人都系二百几蚊左右，仲可以倾足成晚，整体感觉都唔错
今晚约左旧生食饭倾偈，选择左鲗鱼涌呢间餐厅，贪个位置唔算太嘈，静静地可以倾耐啲
餐厅主要系食西餐，餐牌既食物都有好多款式，价钱都唔算太贵，主要系小食比较多，可以用来送酒，所以我哋都叫咗少少嘢食同啤酒饮
首先嚟到嘅系蒜蓉牛油虾仁，冇谂过细细份都有好多只虾，每一只虾都俾蒜蓉牛油包住咗，所以食落去好够味，而且虾本身好弹牙，极速已经俾我哋清左成碟
之后我叫咗杯芒果茶，嚟到嘅时候够晒冰冻，充满芒果果香之余，茶味都几浓郁，正好可以解去刚才食蒜蓉牛油虾仁嘅油腻感
至于朋友当然就点左啤酒，冇谂过嚟到嘅时候会咁大杯，可以俾佢慢慢叹，佢饮完话啤酒嘅麦味几重，反而酒精唔算太浓，完全唔怕会饮醉
跟住我哋点咗半只烧鸡配薯条，烧鸡烧得好香，外皮好脆身，仲加上混合香草添，调味好足够，里面既鸡肉仍然保持嫩滑，相当唔错
至于薯条都好厚身，咬落去有薯仔味又脆口
最后仲有香煎鱼柳香草柠檬忌廉汁配蔬菜，酱汁同鱼柳好配合，唔会太过腻，酸酸地几开胃，同蔬菜都好夹，而且鱼柳唔会煎过熟，入口唔觉得好硬
食左咁多野每人都系二百几蚊左右，仲可以倾足成晚，整体感觉都唔错
张贴
