Boon (已搬遷) 新店位置

喺openrice见到呢间餐厅，就谂住试下，餐厅喺工厂大厦入面，但地铁站出去都方便，喺门口已经听到岩岩走嘅人话间餐厅几好食，我地叫左明太子薯条，鲣鱼熟成封门柳同虎虾海胆意粉，饮品方面叫左伯爵茶奶泡，朱古力奶泡同乳酪杂莓沙冰，明太子薯条好食，大份而且明太子味够浓，另外一定要试嘅系鲣鱼熟成封门柳，牛柳有阵阵嘅鲣鱼味，唔系太浓，唔会覆盖牛柳嘅味道，而且牛柳好淋，一定要食！而虎虾意大利粉方面，虎虾唔算弹牙，相比之下失色少少。饮品方面，两杯奶泡都好好饮，够浓味，伯爵茶好香。而乳酪杂莓沙冰都好似，无我最怕嘅药水味。