喬木

营业中

休息中

一入到去，见到个装修劲靓，环境好舒服，而且服务好好，店员一入到去马上招待，而且好客。嘢食一上到，佢预先帮我哋整理好枱面先再上菜。佢嘅牛舌定食同埋亲子鸡，牛舌入口即溶嘅感觉，再配埋啲辛辣嘅葱同埋芥末酱，入口好惊喜，但可能同一般嘅牛舌较少咬口和弹性。佢嘅亲子鸡肉质好细嫩，而且味道唔会太重，唔会好味精，而且呢啲定食都有其他配菜、乌冬、茶碗蒸和饭。可以一次过满足几个愿望，而且饭可以添加，饭上面仲有一啲白饭鱼，成个定食好精致，真系要写个食评赞下，同埋佢嘅甜品一啲都唔马虎，蛋糕入口好松软，而且好有层次感！！！